الرئيسية › رصين للمطاعم
قريباً
المطعم ما يبيع بضاعة جاهزة — يشتريها مكوّنات ويطلّعها صحون. رصين للمطاعم مبني على هذا الفرق: القائمة والطاولات والوصفة، وفوقهم نفس المحاسبة اللي بالمحلات.
مبني وشغّال، ولسه ما انطرح للبيع.
شنو يميّزه
مطاعم · كافيهات · حلويات وأفران
قسّم الصالة مناطق (داخلي، حديقة، سطح)، وكل طاولة إلها طلب مفتوح تضيف عليه لين ما يقفل. وطلبات السفري والتوصيل بنفس الشاشة.
الصنف الواحد بأكثر من حجم وسعر، وإضافات تنحسب على الطلب: جبن زيادة، صوص، حجم كبير. الكاشير يضغطهن بضغطة مو يكتبهن بيده.
كل صنف بالقائمة إله وصفة. لمّا ينباع، المخزون ينخصم بالمكوّنات — طحين وجبن وزيت — مو بالصنف الجاهز. وهذا اللي يخليك تعرف كلفة الصحن الحقيقية وشكد ربحك عليه.
مشتريات وموردين وديون وسندات ومصاريف ورواتب وصلاحيات وتقارير — نفس ما بالمحلات، لأن القاعدة وحدة.
المشترك مع كل منتجات رصين
بقية المنتجات
المحل يبيع بضاعة، والمطعم يطبخها، والورشة تصلّحها — وكل واحد يحتاج شاشات وحسابات مختلفة. القاعدة وحدة، وفوقها كل منتج مبني لشغله.
محاسبة ومخزون وديون، لمحل يبيع بضاعة.
فواتير ومشتريات ومخزون بمتغيّرات وباركود، ديون وأقساط وكشوف حساب، وتقرير يكلك شكد ربحت فعلاً — لا شكد بعت.
موبايلات وإلكترونيات · ملابس وأحذية · مواد غذائية · جملة ومخازن
تواريخ صلاحية، بدائل، ودفعات.
الصيدلية تحتاج شغلات ما يحتاجها المحل: صلاحية لكل دفعة، بدائل الدواء، وتنبيه قبل انتهاء الدفعة بوقت كافٍ.
صيدليات · مخازن أدوية
أمر شغل، قطع، أجور، وكفالة.
الشغل هنا مو فاتورة بيع، إنه أمر عمل: قطع مستهلكة، وأجور يد، وحالة تتغيّر — ومنو مستلم الجهاز ومتى.
ورش صيانة · معارض سيارات · محلات خدمات
راسلني وخبّرني عن شغلك — أول المجرّبين ياخذون سعراً خاصاً ودعماً مباشراً مني.